一代女神張敏淡出幕前多時，近年主力在內地參與慈善活動，不時傳出張敏復出消息不過得個傳字，年屆52歲的張敏卻緊貼內地直播帶貨潮流，日前處女直播帶貨。不過向來被指保養得宜的張敏，卻因用了美顏濾鏡，令出鏡時雙眼離奇變大而下巴尖到似冰插，網民紛紛大叫認唔出是綺夢。
張敏今次孖住內地網紅一起直播帶貨，由到步一刻已在鏡頭之下，張敏下巴尖到呈直角。
張敏早前跟內地綜藝節目《我就是演員》總導演吳彤相聚，導演在微博曬合照，即傳出張敏復出的消息，不過傳足兩個月未有任何動靜。紛絲們一心以爲張敏亮相綜藝節目落空，不過張敏用另一個方式復出。日前張敏和內地網紅許華升齊齊玩直播帶貨，52歲的張敏一身黑長外套長皮褲束馬尾，甚有臺型，由抵達一刻開始直播，張敏不時對鏡微笑，不過卻誤用變靚濾鏡出事，張敏膚色不但白到反曬光，雙眼變尖又長，臉尖更呈三角型，加上一口烈豔紅脣，有點嚇人，不少網民都認唔出這位就是綺夢張敏，更直指張敏老到唔認得。
向來被贊凍齡，廿年如一日的張敏，今次真系老貓燒須﹗ 不過有傳今次張敏直播一小時已可獲近一百萬人仔，咁好搵被人點彈點踩都冇所謂啦﹗
張敏首次開直播帶帶，對住網民留言感到相當有興趣，唔知有冇睇到網民話渠同後面海報差太遠呢？
張敏雙眼變長而尖，下巴更尖到插得死人，加埋對兜風耳，變了外星人一樣。
