蔣家旻去年跟排舞師麥秋生跳舞跳出愛火，不過這位蔡思貝前度出名是無腳雀仔，即使被斷正夜會蔣家旻一齊返屋企都拒絕認愛。男友唔肯證名份，已31歲的蔣家旻亦不會坐以待斃，自今年中認識29歲的富三代仁濟總理鍾培生，她即鎖定目標主動出擊，早前男方包場睇日本動畫《鬼滅之刃》，蔣家旻黐實睇戲儼如女主人。鍾培生喜與女藝人打交道，擇偶要求亦高，蔣家旻要做豪門少奶真系唔易囉！
蔣家旻入行十七年，在無線拍過逾五十套劇，除了早年的《愛‧回家》馬子妮一角入曬屋，今年在《反黑路人甲》中飾演的黑幫女頭目水姐亦令人留下深刻印象。去年中，蔣家旻透過學舞結識排舞師麥秋成，好快已打得火熱，教舞成爲媾女撒手鐗的麥秋成，不足三個月已將細十年的蔣家旻馴服得貼貼服服，不過男方從未肯放棄整個森林，以事業爲由掂蔣家旻密冚戀情。
蔣家旻精通日文愛看動漫，早前日本超人氣漫畫《鬼滅之刃》掀起熱潮，她cosplay鬼殺隊蟲柱蝴蝶忍一角，據知鍾培生亦是動漫迷，與蔣家旻有共同話題。
雖然年齡相差十年，睇落又大纜都扯唔埋，不過蔣家旻同麥秋成卻因學舞撻着，女方不時在排舞室打躉，實男友唔畀其他女埋身。
麥秋成除了是排舞師，去年更宣佈簽約無線，自編自導自演愛情微電影《戀戀季節—冬至篇》，還邀請女友蔣家旻和好友羅天宇組成三角關係演出。
蔣家旻爲瘟仔唔介意做望夫石，去年被本刊記者影到山長水遠由將軍澳電視城駕車入大圍咖啡店坐埋一邊玩電腦，等足三個鍾接麥秋成收工，之後返回麥秋成位於西貢的村屋寓所過夜。
男友拒認愛，蔣家旻當然不是味兒，她與朱千雪、岑杏賢、張嘉兒、湯洛雯份屬好姊妹，近年好姊妹先後嫁人，只有蔣家旻與湯洛雯單身，靚湯已有馬明認頭，蔣家旻亦騎牛搵馬，知情者透露：眼見身邊好姊妹個個嫁得好，Angel（蔣家旻）得個恨字，麥秋成對渠系咪認真有冇結果，Angel自己心裏有數，渠知道幸福要自己爭取，亦講明遇到第二個好慨就會跳船。
日前岑杏賢結婚，蔣家旻做陪嫁姊妹，更興奮地搶到花球。 去年朱千雪結婚，岑杏賢在對方手中接過花球，今年即成爲人妻，恨嫁的蔣家旻真的要急起直追。
蔣家旻與朱千雪、湯洛雯、張嘉兒及岑杏賢是多年的好姊妹，近年一個個出嫁，就連靚湯都話嫁硬馬國明，蔣家旻好大機會做包尾新娘。蔣家旻與朱千雪、湯洛雯、張嘉兒及岑杏賢是多年的好姊妹，近年一個個出嫁，就連靚湯都話嫁硬馬國明，蔣家旻好大機會做包尾新娘。
早前Angel識咗仁濟總理Derek（鍾培生），知道渠系富三代家住淺水灣獨立屋已經心心眼啦！Angel話自己個IG俾人hack咗，主動搵Derek幫手，不過Derek就一頭霧水，唔明點解Angel要搵佢，可能渠以爲系男人都系兵啩！知道Derek包戲院睇戲，渠又話好鐘意套戲，叫Derek預埋渠，去到現場仲扮曬女主人招呼朋友，姣仔姣到出曬面！據知喜歡交朋結友的鐘培生，與圈中不少花旦姐仔都有往來，蔣家旻絕對不是她的心儀目標，神女有心，襄王無夢，蔣家旻唔使再浪費彈藥。
