國泰早前大裁員，大批空姐頓失工作。近日有自稱莎姐的空姐，被裁後索性轉行做youtuber，開live暢談空中服務員在機艙上遇到的奇人奇事，又揞名爆明星客的種種惡行，直指以大笑姑婆形象見稱的女星，其實人前人後兩個樣。
最討厭明星乘客第10位：大笑姑婆
空姐莎姐爆料指一位以大笑姑婆形象見稱女星，有空姐是她的小粉絲，但每次上機個女星都瞓咗覺，直到落機終於可以影番張合照，點知個女星就好晦氣話：
最討厭明星乘客第9位： 自私黑超大導演
至於這位自私導演，在東京坐飛機香港時，阿Sa就見到自私導演攜帶超大型陶瓷藝術品上飛機，外面只拿薄身發泡膠包住。不過因爲體積太大超出限制，被要求送去寄艙。最後到香港後缺乏保護的陶瓷藝術品破碎，倒轉頭反而要求航空公司賠償，更Call齊記者求關注。阿Sa就話：既然你件物件咁貴重，系咪應該買保險呢？
最討厭明星乘客第8位：豪門千金
豪門千金坐頭等，每5分鐘就按一次服務鈴，卻不是什麼緊要事情，通通都是雞毛蒜皮的小事；而且去廁所仲要求要空姐Block住廁所，空姐連休息時間都沒有！阿Sa就感嘆其實頭等艙仲有其他乘客，不可能全副心力招呼你一人，並笑言道：平時冇乜人留意渠，想要attention seeking掛！
最討厭明星乘客第7位：暴躁學者
雖然不算娛樂圈中人，不過這名學者以鬧人見稱，引經據典見人就鬧。阿Sa話有次香港飛臺北班機，暴躁學者見延遲起飛就開始瘋狂鬧人，阿Sa唯有拖得就拖，希望對方可以冷靜下來。不過都算神翻轉，暴躁學者火爆完之後，阿Sa禮貌講句對不起，對方都相當熱誠地握握手，連阿Sa都話粗聲粗氣唔代表心地唔好。
最討厭明星乘客第5、6位：踢波阿伯x2
兩個踢波阿伯好朋友孖住上榜，因爲有一次兩個阿伯同一班機，態度超惡頂，阿Sa在阿伯身邊經過，阿伯即刻好惡喝停：喂，攞杯水畀我！，打份工當然只能夠乖乖照做……
而另外一位阿伯都相當極品，阿Sa準備出發去馬爾代夫時見到阿伯與他老婆。阿Sa禮貌打招呼問是否乘搭國泰的航班，卻被對方惡言迴應：唔搭你哋仲有其他機咩？不過他老婆就毫不給臉，直接一句有啊迴應，認真落面！
最討厭明星乘客第4位：心急人上
阿Sa表示心急人上有幾單八卦是非曾經見報，本身在航空界中相當出名。有次心急人上心急上機，空姐上前查看登機證帶位，卻不料心急人上疑似嫌空姐手腳慢，從空姐手中搶過登機證自己找位置，空姐感覺自然不會舒服。雖然阿Sa都話感覺麻麻，不過見到心急人上近年家庭美滿，都祝願對方更加穩重，行爲變得更加好。
最討厭明星乘客第3位：數字先生
有次這位數字先生同老婆由香港去倫敦，因有位空姐撞到他手臂，期後火爆的數字先生大罵：我屋企工人都無你咁蠢！該名空姐難過得匿埋一邊狂喊，機艙長在該程航機將她調往另一個機艙位置。
最討厭明星乘客第2位：投胎餓鬼
空姐阿Sa憶述幾年前，曾serve過一位藝人，取名投胎餓鬼，指當時該名藝人與家人一齊坐商務，本身已經食咗好多嘢，之後渠再嗌嘢食，但所點的飛機餐已派完，結果即場發爛渣，更將餐牌拋上臺面，再呼喝空姐：無嘢啦，走啦！阿Sa指餓鬼投胎早前在澳門也曾發生令人側目的事件。
最討厭明星乘客第1位：Fashion西客
空姐阿Sa指航空界最討厭慨人第1位，非潮流西客莫屬！阿Sa說：所有空姐見到呢個人都頭痛，講粗口惡言侮辱乜都齊，掉嘢都好閒，試過有次call保安，機長行埋去，你估渠點講？『You are just my driver！』不過唔知點解，渠又冇俾呢間航空公司blacklist，渠而家生咗個女，或者可以對人nice啲啦。但以往惡行絕對喺空姐眼中出曬名！
