香港娛樂圈中美魔女、不老女神好幾個，其實男神們又何嘗唔系食咗防腐劑一樣唔止冇老過，仲愈老愈有型愈有味道？以下幾位男星個個由細睇到大，當我們畢業了、工作了、結婚了、生子了自認老了，點解渠哋仲系同做仔時一樣冇走過樣？
劉德華59歲
男神首位，不得不提九月至過了最後一個五字頭生日慨劉德華。一向出名愛錫歌迷、年年都選擇同歌迷同賀牛一，呢一年雖然有疫情肆虐，華仔都貼心敷埋mask、化埋妝、隆重其事唱歌吹蠟燭online同歌迷一齊慶祝。系呀，59歲仲系皮光肉滑身材標準，有乜理由唔系華仔？
梁朝偉58歲
入行38年，藝訓班畢業第一年就做《香城浪子》男主角，再從電視圈跳到電影圈紅到今時今日飛去荷李活拍Marvel電影《上氣》。雖則早前被路人捕獲被指發線上移敵不過歲月，實情近年減產愛上滑板滑浪帆船滑雪和各類運動，朝偉系愈活愈後生愈隨意至真！
吳鎮宇58歲
歷屆帶埋兒女參與錄影《 爸爸去哪兒》港臺明星，吳鎮宇應該系最年長一個，46歲做爸爸、52歲帶埋囝囝Feynman上節目兩父子在全國爆紅，Feynman12歲，鎮宇都已經58歲。不過論外形、論保養、論活躍度，點睇都唔似就快登六，仲愈老愈型愈有性格。
吳啓華56歲
創造過《 壹號皇庭V 》徐偉傑同《 妙手仁心》程至美等等經典角色，吳啓華經歷過兩段失敗婚姻，近年長駐內地努力經商搵錢養起女兒（11歲吳熙兒）同供養前妻石洋子全家，外形依然仲keep到，一啲都唔似56歲。
方中信57歲
眨嚇眼，方中信同莫可欣慨獨女符迦晴都已經12歲大，不過57歲方中信橫睇掂睇同80年代入行時個樣幾乎冇分別。反而愈活愈有男人味、愈來愈有態度識享受人生，近年除咗拍戲養家，仲多咗個副業做賽車手。
張耀揚57歲
那些年的 烏鴉張耀揚14年在北京因涉嫌吸毒及藏有大麻被捕，從此以後生活低調、開始茹素，去年又聯同好友莫少聰深入山區探訪派錢派物資。最近一次露面系現身內地品牌活動，一頭白髮一支雪茄，57歲型格至個人巔峯。
杜德偉58歲
50歲時娶回年紀只有一半的嬌妻、54歲老來得子生下兒子AJ，如今的老婆奴兼慈父杜德偉雖然已經58歲，依然有氣有力陪囝囝上山下海仲周圍飛爲頭家奔波，實情就嚟六字頭，型佬樣同三字頭時分別不大。
黃子華60歲
九十年代開始搞棟篤笑並因此成名，有多少人系睇子華神棟篤笑同電視劇長大？一啲都冇誇張，原來三十年過去，子華都已經滿60歲，幾多忠實粉絲都已經成家立室一把年紀，反而子華神髮型身材外貌幾乎冇變過。
苗僑偉62歲
後生靚仔、近年就變型佬，62歲苗僑偉愈老愈有型愈有味道大家都冇異議。最誇張系三哥27歲仔苗俊最近由幕後走到幕前拍攝內褲廣告，雖然又fit 又靚仔，網民都系一致表態： 想睇三哥多啲！
任達華65歲
結婚21年，囡囡任晴佳剛踏入16歲大，1.8米好身材仲有一對大長腿，大有機會繼承超模媽媽琦琦衣鉢，不過已經年屆65歲的任達華依然型佬fit 到漏，仲活力充沛繼續拍唔停，剛剛更憑《 澳門人家》獲得金鷹獎最佳男演員。
周潤發65歲
仲有民間特首周潤發發哥，紅足咁多年亦一早去過荷李活闖蕩過，近年再次以香港爲根據地慨發哥一向豁達、一向貼地、一向與世無爭，所以個樣都寬容啲親切啲，雖然已經65歲，不過完全睇唔出。
